ഭൂമിശാസ്ത്രം
തൃശ്ശൂര്ജില്ലയിലെ ചാലക്കുടി ബ്ലോക്കിലാണ് കാടുകുറ്റി ഗ്രാമപഞ്ചായത്ത് സ്ഥിതി ചെയ്യുന്നത്. സ്പെഷ്യല് ഗ്രേഡ് പഞ്ചായത്തായ കാടുകുറ്റി ഉള്പ്പെടുന്ന വില്ലേജ് കല്ലൂര്-വടക്കുംമുറിയാണ്. 18 വാര്ഡുകളാണ് കാടുകുറ്റി പഞ്ചായത്തിലുള്ളത്. പഞ്ചായത്തിന്റെ അതിരുകള് കിഴക്കുഭാഗത്ത് കൊരട്ടി, മേലൂര് പഞ്ചായത്തുകളും, വടക്കുഭാഗത്ത് ചാലക്കുടിപുഴ, ചാലക്കുടി മുനിസിപ്പാലിറ്റി എന്നിങ്ങനേയും, പടിഞ്ഞാറുഭാഗത്ത് മാള, അന്നമനട പഞ്ചായത്തുകളും, തെക്കുഭാഗത്ത് അന്നമനട പഞ്ചായത്തുമാണ്. കല്ലൂര് ഗ്രാമത്തിന്റെ വടക്കേപ്രദേശമാണ് ഇന്നത്തെ കാടുകുറ്റി പഞ്ചായത്ത്. പഴയ അടുര് ഫര്ക്കയില്പ്പെട്ടതാണ് ഇന്നത്തെ ഈ പ്രദേശം. കല്ലൂര് വടക്കുംമുറി പഞ്ചായത്ത് എന്നായിരുന്നു അക്കാലത്ത് ഇതിന്റെ പേര്. അര്ണ്ണോസുപാതിരി കേരളത്തില് സ്ഥാപിച്ച ആദ്യത്തെ മലയാളം അച്ചുകൂടം ഈ പഞ്ചായത്തിലെ സമ്പാളൂരിനടുത്താണ്. ടിപ്പുസുല്ത്താന്റെ ആക്രമണം ചെറുക്കാനായി തിരുവിതാംകൂര്, കൊച്ചി രാജാക്കന്മാര് സംയുക്തമായി അറബിക്കടല് മുതല് സഹ്യാദ്രിവരെ നെടുനീളത്തില് കോട്ട നിര്മ്മിക്കുകയുണ്ടായി. കോട്ടയുടേയും അതിനോടനുബന്ധിച്ചുള്ള കിടങ്ങിന്റേയും യുദ്ധസാമഗ്രികളുടേയും അവശിഷ്ടങ്ങള് ഇപ്പോഴും ഇവിടെ അങ്ങിങ്ങായി കാണാന് സാധിക്കും. പനമ്പിള്ളി ഗോവിന്ദ മേനോന്റെ ജന്മദേശം ഈ പഞ്ചായത്തിലാണ്. 1952-ല് കല്ലൂര് വടക്കുംമുറി വില്ലേജുപഞ്ചായത്ത് നിലവില് വന്നു. 1954-ല് തെരഞ്ഞെടുക്കപ്പെട്ട ആദ്യത്തെ സമിതിയുണ്ടായി. 1989 സെപ്റ്റംബര് 22-ാം തീയതി കല്ലൂര് വടക്കുംമുറി പഞ്ചായത്ത് കാടുകുറ്റി പഞ്ചായത്ത് എന്ന് പുനര്നാമകരണം ചെയ്യപ്പെട്ടു. കാടുകുറ്റി പഞ്ചായത്തിലെ ജനങ്ങളില് ഭൂരിഭാഗവും കൃഷിയെ ആശ്രയിച്ച് ജീവിക്കുന്നവരാണ്. കാടുകുറ്റി പഞ്ചായത്തിലൂടെ 6 കിലോമീറ്ററോളം ദൂരം ചാലക്കുടിപുഴ ഒഴുകുന്നു.
ഭൂമിശാസ്ത്രപരമായ പ്രത്യേകതകൾ (Geography)
- അതിരുകൾ:ചാലക്കുടിപ്പുഴ ഈ പഞ്ചായത്തിന്റെ മൂന്ന് വശങ്ങളിലൂടെയും (വടക്ക്, കിഴക്ക്, തെക്ക്) ചുറ്റി ഒഴുകുന്നു. പുഴയാൽ ചുറ്റപ്പെട്ട ഒരു ഉപദ്വീപ് (Peninsula) സമാനമായ ഘടനയാണ് കാടുകുറ്റിക്കുള്ളത്. പടിഞ്ഞാറ് ഭാഗത്ത് മാള ഗ്രാമപഞ്ചായത്തുമായി അതിർത്തി പങ്കിടുന്നു.
- വിസ്തീർണ്ണം: 17.63 ചതുരശ്ര കിലോമീറ്റർ.
- ഭൂപ്രകൃതി:ചാലക്കുടിപ്പുഴയുടെ സാന്നിധ്യം കൊണ്ട് അങ്ങേയറ്റം ഫലഭൂയിഷ്ഠമായ മണ്ണാണ് ഇവിടെയുള്ളത്. തെങ്ങ്, നെല്ല്, വാഴ, ജാതി തുടങ്ങിയ കൃഷികൾക്ക് അനുയോജ്യമായ ഭൂപ്രകൃതിയാണ്.
